ⴰⵎⵎⴰⵙ ⵏ ⵜⴱⵔⴰⵜ ⵜⴳⵍⴷⴰⵏⵜ ⴰⴷ ⵍⵍⵉ ⵢⵖⵕⴰ ⵎⴰⵙⵙ ⵎⵚⵟⴰⴼⴰ ⵕⵕⵎⵉⴷ, ⴰⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴳⴰⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵓⵇⵇⵏⵉⵏ ⴷ ⵓⴱⵕⵍⴰⵎⴰⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰⵙ ⵉⵙ ⵉⵙⴷⴷⵉⴷ ⴳ ⵉⵣⵎⵣⵏ ⵉⵄⴷⴰⵏ ⵎⴰⵙ ⵉⵅⵚⵚⴰ ⴰⴷ ⵜⵜⵓⵙⵔⴰⵙ ⵢⴰⵜ ⵜⵙⵜⵔⴰⵜⵉⵊⵉⵜ ⴳ ⵉⴳⵔ ⵏ ⵓⵙⴼⴼⵓⵍⴽⵉ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ, ⵜⴰⵏⴰⵢⵜ ⵉⴱⵉⴷⴷⵏ ⵅⴼ ⵢⴰⵏ ⵓⵡⵏⴰⴹ ⵉⵄⴷⵍⵏ ⵉ ⵡⵙⵙⴰⵔⵓ, ⴷ ⵓⵎⵎⴰⵥ ⵏ ⵓⵏⴳⵔⴰⵡ ⵉⵣⵔⴼⴰⵏ ⴰⵎⴰⵢⵏⵓ ⴷ ⵉⵙⴷⴰⴼⵏ, ⵎⴰ ⵢⴰⴷ ⵢⵓⵊⵊⴰⵏ ⵜⵎⵙⵙⵏⵜⵉⵜ ⴰⴷ ⴳⵉⵏⵜ ⴰⵙⵙⵓ ⴰⴷⵍⵙⴰⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⴰⵏⴰⵎⵓⵏⵜ.
ⴳ ⵓⵙⴰⵜⵉ ⴷⵖ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⴼⴽⴰ ⵉⵙⵡⴰⵍⵏ ⵏⵏⵙ ⵎⵔⴰ ⴰⴷ ⵉⵜⵜⵓⵙⴼⵙⵙⵓⵙ ⴰⵙⵙⵓⴼⵖ ⵏ ⵡⴰⵜⵉⵎ ⴰⵎⴰⵢⵏⵓ ⵏ ⵓⵙⵙⴰⵔⵓ ⴷ ⴰⴷ ⵢⵉⵍⵉ ⵍⵉⵚⵍⴰⵃ ⵏ ⵉⵎⵎⴰⵙⵏ ⵉⵏⵎⵏⴰⴹⵏ, ⴷ ⴰⴷ ⵟⵟⴼⵏ ⵜⵙⴳⵓⵔⵉⵏ ⵉⵅⵚⵚⴰⵏ ⵎⵔⴰ ⴰⴷ ⵙⴽⵔⵏ ⵜⵉⵍⴰⵍⵜ ⵏⵏⵙⵏ, ⴷ ⴰⴷ ⴱⴷⴷⵏⵜ ⵜⵎⵓⴽⵔⵉⵙⵉⵏ ⵍⵍⵉ ⵓⵔⵜⵏ ⵓⵊⵊⴰⵏ ⴰⴷ ⵙⴽⵔⵙ ⵜⵖⴰⵡⵙⵉⵡⵉⵏ ⵜⵉⵍⴰⵍⵜ ⵏⵏⵙ.
ⴳ ⵓⵣⵎⵎⵣⵓ ⵢⴰⴷ ⴷⴰⵖ, ⵎⴰ ⵢⴰⴷ ⵉⵔⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ, ⵉⵖⵕⴰ ⵎⵔⴰ ⴰⴷ ⵜⵜⵓⵙⵙⴰⵔⵓⵏ ⵎⴰⴷ ⴼⴽⴰⵏ ⵉⵎⴰⵙⵙⵏ ⵏ ⵜⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴳ ⵜⵥⵉⴹⵕⴰ ⵏ ⵜⵉⴽⴽⵉ ⵏ ⵜⵏⵖⵎⴰⵙⵜ ⵜⵣⵔⴼⴰⵏⵜ ⴷ ⵜⵏⴱⴹⴰⵢⵜ, ⴷ ⵓⴹⴼⵕ ⵏ ⵓⵙⵜⴰⵢ ⵏ ⵓⵙⴷⵓⵙ ⵏ ⵓⵙⵎⴰⵜⴰ ⵓⵔ ⵜⵎⵜⵜⴰ ⵏ ⵉⵎⴰⴽⵏ ⵉⵣⵔⴼⴰⵏ ⴷ ⵉⵏⴱⴹⴰⵢⵏ, ⴷ ⵜⵏⴱⴹⴰⵢⵜ ⴳ ⵓⴳⴳⵓⴳ ⵎⴰ ⵢⴰⴷ ⵉⴳⴰⵏ ⵉⵎⴰⵙⵙⵏ ⵉⵕⵡⴰⵏ ⵉⴷⵔⴰⵏ ⴳ ⵓⵙⵙⵓⴼⵖ ⵏ ⵓⵖⴰⵡⵍ ⴷ ⵓⵎⵕⵡⵉ, ⴳ ⵓⵣⴷⴰⵢ ⴷ ⵎⴰⴷ ⵔⴰⵏ ⵉⵎⵏⵖⵉⵏ ⵏ ⵉⵇⵇⴰⵕⵉⴹⵏ ⴷ ⵜⵡⵓⵔⵉⵏ, ⴷ ⵜⵉⵔⴰⵜ ⵏ ⵓⵙⵔⴰⵙ ⴰⵣⵔⴼⴰⵏ ⵏⵏⵙ ⴷ ⵓⵍⵜⵖ ⵏ ⴽⵔⴰ ⵢⴳⴰⵜⵜ ⵓⴼⵔⴷⵉⵙ ⵏ ⵓⵏⴳⵔⴰⵡ ⵏ ⵓⵣⵔⴰⴼ ⴳ ⵜⵙⴰⵡⵔⵜ ⵏ ⵓⵙⵏⴼⵍ ⴰⵎⵓⵟⵟⵓⵏ.
ⵉⵏⵏⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵉⵟⵟⴰⴼ ⵜⵖⵍⵉⴼⵜ ⵎⴰⵙ ⵓⴳⵔⴰⵡ ⴰⴷ, ⴳ ⵍⴱⴷⵓ ⵏ ⵜⵎⴷⵔⴰⵡⵜ ⵜⵅⴰⵜⴰⵔⵜ ⵉ ⵢⵎⴷⵔⴰⵡⵏ ⴳⵉⵙ ⵙⴳ ⵉⵎⴰⵡⵙⴰⵙⵏ ⴷ ⵉⵔⴳⴰⵣⵏ ⵏ ⵓⵣⵔⴰⴼ ⴷ ⵜⴷⵎⵙⴰ ⴷ ⵜⵙⵔⵜⵉⵜ ⴷ ⵓⵣⵔⵉⴼ ⴷ ⵜⵡⵓⵔⵉ ⴷ ⵜⵎⵓⵣⴰⵢⵏ ⴷ ⵉⴽⴰⴷⵉⵎⵉⵢⵏ, ⵔⴰⴷ ⵉⴳ ⴰⵣⵎⵣ ⵎⵔⴰ ⴰⴷ ⵉⵙⵏⴼⵍ ⵜⵓⵙⴽⴰⵔⵉⵏ ⵉⵃⵍⴰⵏ ⴷ ⵜⵓⵙⴽⴰⵔⵏ ⵉⴼⵙⵙⴰⵢⵏ ⵉⴼⵓⵍⴽⵉⵏ ⴷ ⵉⵎⴰⵢⵏⵓⵏ ⴷ ⵉⵏⵉⵍⴰⵡⵏ ⴷ ⵓⴼⴼⵓⵖ ⵏ ⵜⵙⵓⵎⵓⵔⵉⵏ ⴷ ⵉⵖⵍⴰⴼⵏ, ⵔⴰⴷ ⴷⵔⵓⵏ ⵉⴳⵍⵉ ⵏ ⵉⴳⵔ ⵏ ⵜⵡⵓⵔⵉ ⴷ ⵓⵙⵙⴰⵔⵓ ⴷ ⵓⵙⴼⵓⵍⴽⵉ ⵏ ⵓⵏⵣⵡⵉ ⵏⵏⵙ, ⴷ ⵓⵙⴷⵓⵙ ⵏ ⵜⵍⴰⵍⵜ ⵏⵏⵙ ⴷ ⵓⵙⴳⵓⵎ ⵜⵜⵓⵙⵔⴰⴽⵏ ⵉⵣⵔⴼⴰⵏ ⴷ ⵜⵖⵜⴰⵙⵜ ⴷ ⵉⵖⵓⵔⵉⵡⵉⵏ ⵏ ⵎⴷⴷⵏ ⴼⴽⴰⵏ ⴰⴷⴷⵓⵔ ⵉ ⵢⴳⵔⴰ ⵢⴰⴷ.