ⵉⴳⴰ ⵍⵃⴰⵍ ⴼⴰⵟⵉⵎⴰ ⵍⵄⴹⴰⵎ ⵙⴳ ⵙⵍⴰ, ⴷ ⵢⴰⵎⵏⴰ ⴰⴱⵊⴰⵡ ⵙⴳ ⵟⴰⵏⵟⴰⵏ, ⴷ ⵎⵉⵏⴰ ⵙⴽⵓⵔⵉ ⵙⴳ ⵏⵏⵡⴰⵚⵕ, ⴷ ⵃⴰⵢⴰⵜ ⵙⵏⵓⵏ ⵙⴳ ⵡⵊⴷⴰ, ⴷ ⵍⵃⴰⵙⴰⵏⵢⴰ ⵎⵏⵏⵓⵏⵉ ⵙⴳ ⵣⴰⴳⵓⵔⴰ.
ⴳ ⵓⵣⵎⵎⵣⵓ ⴷⵖ, ⵉⵏⵏⴰ ⵡⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵎⴰⵙⵙ ⴰⵃⵎⴰⴷ ⵜⴰⵡⴼⵉⵇ, ⵢⴰⵜ ⵜⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵙⴷⴷⵉⴷ ⴳⵉⵙ ⵎⴰⵙ ⵓⵟⵟⵓⵏ ⵏ ⵉⵎⵙⴱⵖⴰⵔⵏ ⵙⴳ ⵓⵖⴰⵡⴰⵙ ⴳⵔ ⵉⵙⴳⴳⵯⴰⵙⵏ ⵏ 2000 ⴷ 2018 ⵉⵍⴽⵎ ⵓⴳⴳⴰⵔ ⵏ 3 ⴰⵎⵍⵢⵓⵏ ⴰⵎⵙⴱⵖⵓⵔ, ⴷ ⵉⵣⴰⵢⴷ ⵖⴼⵙⵏ ⵉⵎⴹⴼⴰⵕⵏ ⵏ ⵓⵖⴰⵡⴰⵙ ⴰⴷ ⴳ ⵓⵙⴰⵔⵓ "ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵇⵓⵕⴰⵏ ⴰⴽⵔⵉⵎ", ⵍⵍⵉ ⵢⵣⵣⵓⵣⵔⵏ ⵙⵏⴰⵜ ⵜⴽⵍⴰⵢ ⴽⵔⴰ ⵢⴳⴰⵜⵜ ⴰⵙⵙ, ⵓⵍⴰ ⴳ ⵓⵙⵉⵜ ⵏ ⵜⵙⵏⵓⵔⴰⵢⵜ ⴳ ⴰⵏⵜⵉⵔⵏⵉⵜ.
ⵉⴼⵔⴰ ⵢⵏⵏⴰ ⵎⴰⵙⵙ ⵜⴰⵡⴼⵉⵇ ⵎⴰⵙ ⴰⵙⵖⵡⵙ ⵉⵍⵍⴰⵏ ⴳ ⵓⵣⵎⵣ ⵏ 2017-2021 ⵉⵔⴰ ⴰⴷ ⵉⵙⵙⴱⵖⵔ ⵙⴳ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵜⵇⵓⴱⴱⴰⵏⵉⵜ ⴰⵔ 4,5 ⴰⵎⵍⵢⵓⵏ ⵓⴼⴳⴰⵏ.
ⴳ ⵜⵙⴳⴰ ⵢⴰⴹⵏⵉⵏ, ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵓⵙⴳⴳⵯⴰⵙ ⴰⵏⵍⵎⴰⴷ 2017-2018 ⵉⵣⵎⵎⴻⵎ ⵓⴳⴳⴰⵔ ⵏ 316 ⵉⴼⴹ ⵏ ⵎⴷⴷⵏ, ⵙ ⵓⵙⵖⵍ ⵉⵜⵜⵓⵙⴽⴰⵔⵏ ⵉⵣⵔⵉⵏ 105 % ,ⵉⵙⵓⵍ ⵉⵏⵏⴰ ⵎⴰⵙ ⵜⵎⴰⵡⴰⵙⵜ ⵜⴼⴽⴰ ⵉ 7 ⵉⴼⴹ ⵏ ⵜⵉⵎⵣⴳⵉⴷⴰ ⵉⵎⴰⵙⵙⵏ ⵏ ⵓⵏⵍⵎⴰⴷ ⵉⵅⵅⵚⴰⵏ ⵉ ⵡⵣⵣⵉⴳⵔ ⵏ ⵓⵖⴰⵡⴰⵙ ⴰⴷ, ⴷ ⵜⴼⴽⴰ 8 ⵉⴼⴹ ⵏ ⵉⵙⵏⵜⵉⵏ ⴳ ⵓⵙⵍⵎⴰⴷ ⴷ ⵢⴰⵏ ⵉⴼⴹ ⵏ ⵓⵣⴷⴰⵢ ⴷ ⵓⵎⵛⵛⵉⵡⵕ ⵏ ⵓⵏⵍⵎⴰⴷ ⴷ 400 ⴰⵙⵎⵓⵜⵜⴳ ⴰⵙⵍⵎⴰⴷ ⴰⴼ ⴰⴷ ⵙⴰⵜⵉⵏ ⵜⵉⵎⵙⵔⴷⵉⵏ ⴰⴷ.
ⵉⵕⵥⵎ ⵓⵖⴰⵡⴰⵙ ⵏ ⵓⵙⴱⴷⴷⵉ ⵏ ⵜⵇⵓⴱⴱⴰⵏⵉⵜ ⴳ ⵜⵎⵣⴳⵉⴷⴰ ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵢⵏⵏⴰ ⴰⵎⵎⴰⵙ ⵏ ⵉⵏⴰⵡ ⵏⵏⵙ ⴳ ⵓⵣⵎⵣⵣⵓ ⵏ ⵓⵙⴽⴽⵜⵉ ⵡⵉⵙⵙ 47 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵏ ⵓⵎⴰⴷⴰⵏ (20 ⵖⵓⵛⵜ 2000).