ⴰⵎⵎⴰⵙ ⵏ ⵉⵏⴰⵡ ⵏⵏⵙ, ⵉⵏⵏⴰ ⵍⵉⵎⴰⵎ ⵉⵙ ⴳⴳⵓⵜⵏ ⵉⵎⵣⵣⵓⵏ ⵉⵎⵇⵕⴰⵏ ⴳ ⵡⴰⵢⵢⵓⵔ ⴰⵎⴱⴰⵕⴽⵉ ⵏ ⵕⵎⴹⴰⵏ ⵎⴰ ⵢⴰⴷ ⵉⵙⵙⵓⴼⵖⵏ ⴰⵎⵣⵔⵓⵢ ⵏ ⵜⵎⵜⵜⵉ ⵜⴰⵎⵓⵙⵍⵎⵜ, ⵉⵙⵙⴽⵜⵉ ⴼ ⵖⵉⴽⴰⵏⵏ ⵎⴰⵙ ⵉⴳⴰ ⵕⵎⴹⴰⵏ ⴰⵢⵢⵓⵔ ⵍⵍⵉⵖ ⵉⴳⴳⵯⵣ ⵍⵇⵓⵕⴰⵏ, ⴷ ⵍⵍⵉⵖ ⵜⵜⴰⵡⵙⴽⴰⵔⵏ ⵜⵉⵔⵏⵏⴰⵡⵉⵏ ⴷ ⵜⵉⴹⴰⵍⵓⵙⵉⵏ ⵍⵍⵉ ⵓⵔ ⵊⵊⵓ ⵔⴰⴷ ⵜⵜⵓⵏ ⵉⵎⵓⵙⵍⵎⵏ ⵅⴼ ⵜⴰⴷⴷⵓⵔⵜ ⵜⴰⵎⵇⵕⴰⵏⵜ ⵏⵏⵙⵏⵜ, ⵣⵓⵏⴷ ⵓⵡⵜⵎⵉ ⴰⵎⵇⵕⴰⵏ ⵏ ⴱⴰⴹⵕ.
ⵉⵔⵏⵓ ⵢⵏⵏⴰ ⵎⴰⵙ ⵢⵓⵊⵊⴰ ⵓⵡⵜⵎⵉ ⵏ ⴱⴰⴹⵕ ⵕⵛⵎ ⵉⵇⴱⵓⵕⵏ ⴳ ⵜⵎⴽⵜⵉⵜ ⵏ ⵉⵎⵓⵙⵍⵎⵏ ⴷ ⵉⵎⵍⴰ ⵎⵏⵏⴰⵡ ⵏ ⵉⵜⵉⴳⵏ ⵉⵏⴼⴳⴰⵏ ⵉⵅⴰⵜⴰⵔⵏ, ⵣⵓⵏⴷ ⵉⵥⵍⵉ ⴷ ⵜⵏⴰⴷⴰⵡⵜ ⴷ ⵓⵣⵔⴰⴽ ⵏ ⵉⵏⴹⵏ ⴷ ⵛⵛⵓⵔⴰ.
ⵉⵙⴰⵡⵍ ⵙⵓⵍ ⵍⵉⵎⴰⵎ ⵅⴼ ⵉⵜⵉⴳⵏ ⵏ ⵎⵔⴰⵡ ⵏ ⵡⵙⵙⴰⵏ ⵉⴳⴳⵯⵔⴰⵏ ⵏ ⵡⴰⵢⵢⵓⵔ ⴰⵎⴱⴰⵕⴽⵉ ⵏ ⵕⵎⴹⴰⵏ, ⴷ ⵉⵖⵔⴰ ⵢⵎⵓⵙⵍⵎⵏ ⴰⴷ ⴹⴼⴰⵕⵏ ⴰⵔⵇⵇⴰⵙ ⵏ ⵕⴱⴱⵉ ⵙⵉⴷⵏⴰ ⵎⵓⵃⵎⵎⴷ ⴷ ⴰⴷ ⵙⴽⵔⵏ ⵣⵓⵏⴷ ⵜⵉⴽⵍⵉⵜⵏ ⵍⵍⵉ ⵢⵙⴽⵔ ⴰⵎⵎⴰⵙ ⵏ ⵎⵔⴰⵡ ⵡⵙⵙⴰⵏ ⴰⴷ ⵉⵅⴰⵜⴰⵔⵏ.
ⵍⵍⵉⵖ ⵉⵜⵎⵎⴰ ⵍⵅⵟⴱⴰ ⵏⵏⵙ, ⵉⵜⵜⵔ ⵍⵉⵎⴰⵎ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴷ ⴰⴷ ⴰⵙ ⵢⴰⵊⵊ ⵢⵉⵡⵉⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ.
ⴷ ⵉⵜⵜⵔ ⵟⵟⴰⵍⴱ ⵏ ⵜⵎⵣⴳⵉⴷⴰ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.