ⵍⵍⵉⵖ ⵉⵡⴹ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⵣⵓⵍⵏ ⵜ ⵓⵎⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⴰⵏⵙⵙⵉⵅⴼ ⵏ ⵍⵃⴰⵎⵢⴰ ⵜⴰⵄⵙⴽⵔⵉⵜ ⵙ ⵕⵕⴱⴰⵟ - ⵙⵍⴰ, ⴷⴰⵜ ⴰⴷ ⵉⵙⵙⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵏ ⵓⴳⵔⴰⵡ ⵙⴳ ⵓⵙⵖⵉⵎ ⴰⵎⴰⵜⴰⵢ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ.
ⴷⴼⴼⵉⵔ ⵢⴰⴷ, ⵣⵓⵍⵏ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⵓⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵎⵣⴰⵖ ⴰⵏⴰⵎⵓⵔ, ⵄⴱⴷⵍⵍⵟⵉⴼ ⵍⵓⴷⵉⵢⵢⵉ, ⴷ ⵓⵊⵉⵏⵉⵕⴰⵍ ⴷⵓ ⴷⵉⴼⵉⵣⵢⵓⵏ, ⵎⵓⵃⵎⵎⴷ ⵀⴰⵕⴰⵎⵓ, ⴰⵏⵙⵙⵉⵅⴼ ⵏ ⵉⵊⴰⴹⴰⵕⵎⵉⵏ ⵉⴳⵍⴷⵓⵏ, ⴷ ⴰⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ, ⵍⵄⴱⴷ ⵄⴰⵍⴰⵡⵉ ⴱⵓⵃⴰⵎⵉⴷ, ⴰⵎⴳⴳⵉⵡⵙ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵓⵊⵉⵏⵉⵕⴰⵍ ⴷⵓ ⴱⵔⵉⴳⴰⴷ ⵎⵓⵃⵎⵎⴷ ⴱⵔⵔⵉⴷ, ⴰⵏⵙⵙⵉⵅⴼ ⵏ ⵓⵙⵉⵔⴰ ⵡⵉⵙⵙ 3.
ⵃⴰⴹⵕⵏ ⴳ ⵢⴰⴷ ⵉⵎⴽⵍⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵏ ⵓⵙⵇⵇⵉⵎ ⵏ ⵉⵎⵛⵎⴰⵡⵕ, ⴷ ⵉⵎⵛⴰⵡⵔⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵓⵏⵙⵙⵉⵅⴼ ⵏ ⵜⵏⴱⴹⴰⵢⵜ ⵜⴰⵎⴰⵜⴰⵢⵜ, ⴷ ⵍⵡⴰⴽⵉⵍ ⴰⵎⴰⵜⴰⵢ ⵏ ⵓⴳⵍⵍⵉⴷ ⴷⴰⵔ ⵜⵏⴱⴹⴰⵢⵜ ⴰⴷ, ⴷ ⵓⵏⵙⵙⵉⵅⴼ ⵏ ⵜⵏⴱⴹⴰⵢⵜ ⵜⴰⴷⵓⵙⵜⵓⵔⵉⵜ, ⴷ ⴹⵓⴱⴱⴰⵟ ⵢⴰⵜⵜⵓⵢⵏ ⴳ ⵜⵏⵙⵙⵉⵅⴼⵜ ⵜⴰⵎⴰⵜⴰⵢⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵉⵙⵖⵏ ⵉⵄⵙⴽⵕⵉⵢⵏ ⵉⴱⵕⴰⵏⵉⵢⵏ ⵉⵜⵜⵓⵙⵖⵥⴰⵏⵏ ⴳ ⵕⵕⴱⴰⵟ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴰⴼⵓⵜ ⵜⴰⵏⴰⵎⵓⵔⵜ, ⴷ ⵉⵏⵎⵀⴰⵍⵏ ⵏ ⵉⴱⵔⵙⵉⵔⵏ ⵉⴳⵍⴷⴰⵏⵉⵏ, ⴷ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⴷ ⵎⵛⵜⴰ ⵏ ⵎⴷⴷⵏ ⵉⵖⵔⵉⵎⵏ ⴷ ⵉⵄⵙⴽⴰⵕⵉⵢⵏ.
ⵜⵣⵔⵉ ⵜⴼⵓⴽⵍⴰ ⵏ ⵓⴽⵜⴰⵢ ⵡⵉⵙⵙ 63 ⵏ ⵜⵓⵚⴽⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⴰⴽⴽⵯ ⵏ ⵉⵙⵜⵉⵏ ⵉⵖⵙⴽⴰⵔⵉⵢⵏ ⴷ ⵜⵜⴰⴽⴰⵏⴰⵜ ⴷ ⵓⴳⵣⵓⵎⵏ ⵉⴹⴼⴰⵕⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⵜⵎⴰⵏ ⴷ ⵜⵉⴼⵓⴽⵍⴰ ⵏ ⴳ ⵎⴰⵏ ⴰⵣⵓⵍ ⵏ ⵓⵛⵏⵢⴰⵍ ⴷ ⵜⵉⵖⵔⴰ ⵏ ⵜⵉⵔⴰⵜ ⵜⴰⵡⵙⵙⴰⵏⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵏⵙⵙⵉⵅⴼ ⵏ ⵜⵔⵙⵍⵜ ⵢⴰⵜⵜⵓⵢⵏ ⵏ ⵜⵙⵔⴷⴰⵙⵜ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵉ ⵢⴼⵔⴷⴰⵏ ⵏ ⵜⴳⴳⴰⵍⵉⵏ, ⴷ ⵜⵜⵓⴼⴽⴰⵏ ⵍⴰⵡⵙⵉⵎⴰ, ⴷ ⵜⵓⵙⵏⵎⵍⴰⵏ ⵉⴳⵔⴰⵡⵏ ⵏ ⵜⵓⵏⵏⵓⵜ ⴳⵔ ⵜⵔⴰⴱⴱⵓⵜⵉⵏ ⵜⵉⵖⵔⴰⵏ ⴷ ⵜⵉⵄⵙⴽⵕⵉⵢⵏ.
ⵜⵜⵓⵙⴽⴰⵔ ⵣⵓⵏⴷ ⵜⴰⴼⵓⴳⵍⴰ ⵢⴰⴷ ⴳ ⴰⴽⴽⵯ ⵉⴳⵔⴰⵡⵏ ⵏ ⵜⵎⵏⴰⴹⵜ ⵏ ⵓⴼⴼⵓⵙ ⵓⵍⴰ ⵉⴳⵣⵣⵓⵎⵏ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴳ ⴰⴽⴽⵯ ⵉⴼⵔⴷⵉⵏ ⵏⵏⵙⵏⵜ.