ⵢⵓⴽⵓⵀⴰⵎⴰ - ⴱⴷⴰⵏⵜ ⴰⵙⵙ ⵏ ⵓⴽⵕⴰⵙ ⴳ ⵜⵖⵔⵎⵜ ⵜⴰⵢⴰⴱⴰⵏⵉⵜ ⵏ ⵢⵓⴽⵓⵀⴰⵎⴰ ⵜⵡⵓⵔⵉⵡⵉⵏ ⵏ ⵜⵇⵇⵉⵛⵉⵜ ⵏ ⵓⴳⵔⴰⵡ ⴰⵎⴰⴹⵍⴰⵏ ⵏ ⵟⵓⴽⵢⵓ ⵜⵉⵙⵙ ⵙⴰ ⵏ ⵜⴳⵎⵉ ⵜⵉⴼⵔⵉⵇⵉⵜ (ⵜⵉⴽⴰⴷ 7) ⵙ ⵜⴷⵔⴰⵡⵜ ⵏ ⵉⵎⵙⵜⴳⴳⴰⵔⵏ ⵉⵎⵇⵕⴰⵏⵏ ⵉⵢⴰⴱⴰⵏⵉⵢⵏ, ⴷ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ ⴷ ⵉⵎⴰⵡⵙⴰⵙⵏ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ, ⵉⵍⵍⴰⵏ ⴳⵉⵙⵏ ⵍⵎⵖⵔⵉⴱ, ⵓⵍⴰ ⵉⵎⵙⵜⴳⴳⴰⵔⵏ ⴷ ⵉⵙⵎⴷⵢⴰⵡⵏ ⵏ ⵜⵏⵎⴰⵍⴰⵢⵉⵏ ⴷ ⵉⵏⴳⵎⴰⵎⵏ ⵉⵎⴰⴹⵍⴰⵏ ⴷ ⵉⵙⴳⵡⴰⵏⵏ ⵓⵍⴰ ⵉⵔⴳⴰⵣⵏ ⵏ ⵜⵡⵓⵔⵉ ⴷ ⵜⵎⴰⵍⴰⵢⵉⵏ ⵓⵔ ⵉⵏⴱⴰⴹⵏ.

ⵢⵓⴽⵓⵀⴰⵎⴰ - ⵉⵙⵎⴰⵢⵏⴰ ⵡⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵢⴰⴱⴰⵏⵉ, ⵎⴰⵙⵙ ⵜⴰⵔⵓ ⴽⵓⵏⵓ, ⴰⵙⵙ ⵏ ⵓⵙⵉⵏⴰⵙ ⴳ ⵢⵓⴽⵓⵀⴰⵎⴰ, ⴰⵙⴷⴷⵉⴷ ⵏⵏⵙ ⵎⴰⵙ ⵜⵎⴰⵣⵉⵔⵜ ⵏⵏⵙ ⵓⵔ ⵜⵙⵙⵏ ⵙ "ⵜⴳⴷⵓⴷⴰⵏⵜ ⵜⴰⵚⵃⵕⴰⵡⵉⵜ " ⵓⵔ ⴰⴽⴽⵯ ⵉⵍⵍⵉⵏ.

ⴱⴰⵏⴽⵓⴽ - ⵉⴷⵔⴰ ⵡⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ, ⴰⵙⵙ ⵏ ⵓⵢⵏⴰⵙ ⴳ ⴱⴰⵏⴽⵓⴽ, ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 40 ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵜⵎⵙⵎⵓⵏⵜ ⵜⴱⵕⵍⴰⵎⴰⵏⵉⵜ ⵏ ⵉⵎⵓⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴷ ⵍⵇⴱⵍⵜ ⵏ ⴰⵙⵢⴰ (ⵉⵍⵍⴰ ⴷⵉⴳⵙ 10 ⵉⵡⴰⵏⴽⵏ), ⴷ ⵉⵖⵕⴰ ⴳ ⵢⴰⵜ ⵜⵡⵍⴰⴼⵜ ⵜⴰⵎⴰⴷⵓⴷⵜ ⴰⴷ ⵢⴰⵎⵥ ⵍⵎⵖⵔⵉⴱ ⴰⴷⴷⴰⴷ ⵏ ⵓⴳⵎⴰⵎ ⵉⵎⵏⵣⵉ ⴳ ⵓⴳⵏⵙⵓ ⵏ ⵓⴳⵔⴰⵡ.

ⵕⵕⴱⴰⵟ - ⵔⴰⴷ ⵢⵉⵍⵉ ⵡⵙⵇⵇⵉⵎ ⵏ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ ⴰⴷ ⵢⵓⵛⴽⴰⵏ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ.

ⵕⵕⴱⴰⵟ - ⵜⵙⵙⵓⴼⵖ ⵜⵙⵏⵓⵔⴰⵢⵜ ⵏ ⵜⴷⴷⴰⵔⵜ ⵏ ⵍⵇⵓⴷⵙ ⵛⵛⴰⵔⵉⴼ ⴳ ⵡⵙⵙⴰⵏ ⵉⵣⵔⵉⵏ, ⵢⴰⵜ ⵜⵏⴰⴹⵜ ⵉⵙⴰⵡⵍⵏ ⵅⴼ ⵜⵓⴳⴳⴰⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴳ ⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ ⴳ ⵓⵏⴳⴰⵔ ⵏ ⵓⵙⴳⴳⵯⴰⵙ ⵉⵣⵔⵉⵏ.

ⵕⵕⴱⴰⵟ - ⵉⵙⴳⵓⵔⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⵜⵏⴱⴰⴹⵜ, ⵍⵍⵉ ⵢⴱⴷⴰⵏ ⵜⵡⵓⵔⵉ ⵅⴼ ⵜⴰⵙⴰⵡⵔⵜ ⵏ ⵜⵎⵏⴰⴹⵜ ⵜⴰⵎⵔⵏⵉⵡⵜ ⴷ ⵏ ⵓⵔ ⵉⵏⵏⵎⴰⵙⵏ, ⵜⵍⴽⵎ ⴰⵙⵙ ⴰⴷ ⵉ ⵜⴽⵍⵉⵏ ⵉⴳⴳⵯⵔⴰⵏ ⵏ ⵓⵙⵔⴰⵙ ⵏ ⵉⵙⵖⵡⵙⵏ ⵉⵎⵀⵍⵉⵡⵉⵏ ⵍⵍⵉ ⵉⴳⴰⵏ ⵉ ⵡⵙⵙⴰⵢ ⵏ ⵓⵖⴰⵡⴰⵙ ⵏ ⵉⵎⵣⵍⵉⵏ ⵙⴳ ⵜⵎⵙⵙⵓⴳⵔⵜ ⵜⴰⵏⴰⵎⵎⴰⵙⵜ ⴰⵔ ⵜⵎⵙⵙⵓⴳⵔⵉⵏ ⵜⵉⵏⵎⵏⴰⴹⵏ.