ⵉⴳⴰ ⵡⵏⵎⵓⴳⴳⴰⵔ ⴰⴷ ⵢⴰⵏ ⵓⵏⵎⵓⴳⴳⴰⵔ ⵏⵏⴰ ⵢⵣⴷⵉⵏ ⴷ ⵜⴷⴷⴰⴳⵜ ⴷ ⵓⴼⴰⵔⵙ ⵏ ⵍⵍⵓⵣ ⴳ ⵜⵖⵔⵎⵜ ⵏ ⵉⵖⵔⵎ ⵜⴰⵏⵉⵍⴰ ⵏ ⵜⵔⵓⴷⴰⵏⵜ, ⵏⵏⴰ ⴳ ⵉⵡⵙⵏ ⵜⵓⴳⵜⵜ ⵏ ⵉⵎⵙⵜⴳⴳⴰⵔⵏ ⵣⵓⵏⴷ ⴰⵙⵇⵇⵉⵎ ⴰⵙⴳⴰⵡⴰⵏ ⵏ ⵉⵖⵔⵎ ⴷ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵏ ⵍⵍⵓⵣ ⵏ ⵉⵖⵔⵎ ⵏⵏⴰ ⵔⴰⴷ ⵉⵃⵢⵢⵍ ⴰⵙⴳⴳⵯⴰⵙ ⴰⴷ ⵜⴰⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵓⵏⵎⵓⴳⴳⴰⵔ ⴰⴷ ⵏⵏⴰⵖ ⴰ ⵜⵜⵉⵍⵉⵏ ⵜⵓⴳⵜⵜ ⵏ ⵉⵎⵓⵙⵙⵓⵜⵏ ⴷ ⵜⵙⵙⵓⵜⵍⵉⵏ ⵏ ⵓⵙⵎⵓⵜⴳ ⴷ ⵉⴼⵙⴰⵔⵏ ⵏ ⵓⴼⴰⵔⵙ ⵏⵏⴰ ⵢⴰⴽⴽⵯ ⵉⵍⵍⴰⵏ ⴳ ⵜⵏⵉⵍⴰ ⴰⴷ ⴳ ⵎⴰⴷ ⵉⵥⵍⵉⵏ ⵜⴰⵢⴰⴼⵓⵜ ⵏ ⵍⵍⵓⵣ.

ⵔⴰⴷ ⵉⵙⵙⵎⵖⵕ ⵓⵏⵎⵓⴳⴳⴰⵔ ⴰⴷ ⵓⵍⴰ ⵙ ⵜⵓⴳⵜⵜ ⵏ ⵓⴷⵎⴰⵡⵏ ⴷ ⵉⵏⵎⵎⴰⵙⵙⵓⵜⵏ ⵉⵎⵙⵎⵓⵏⴰⵏⵏ ⵏⵏⴰ ⵢⵙⵡⵡⵓⵔⵉⵏ ⴳ ⵉⴳⵔ ⵏ ⵓⴼⴰⵔⵙ ⵏ ⵍⵍⵓⵣ ⵏⵏⴰ ⵉⴳⴰⵏ ⵢⴰⵜ ⵜⴰⵢⵙⵉ ⴱⴰⵀⵔⴰ ⵢⵓⵜⵏ ⵙ ⵉⵥⵓⵕⴰⵏ ⵏⵏⵙ ⴳ ⵓⵎⵣⵔⵓⵢ ⵏ ⵜⵙⴳⴰ ⵢⴰⴷ, ⵉⴳⴰ ⵡⵏⵎⵓⴳⴳⴰⵔ ⴰⴷ ⵓⵍⴰ ⵢⴰⵜ ⵜⵎⵍⴷⴰ ⴰⴼⴰⴷ ⴰⴷ ⵉⵜⵜⵓⴼⴽⴰ ⵡⴰⵜⵉⴳ ⴰⵅⴰⵜⴰⵔ ⵉ ⵓⴼⴰⵔⵙ ⵏ ⵍⵍⵓⵣ ⵏⵏⴰ ⵉⵜⵜⴱⵓⵖⵍⵓⵏ ⴰⵙⴳⴳⵯⴰⵙ ⴼ ⵡⴰⵢⵢⴰⴹ.

ⵔⴰⴷ ⵉⵍⵉⵏⵜ ⵜⵉⵏⴰⵡⵉⵏ ⵜⵉⵎⴰⵙⵙⴰⵏⵉⵏ ⴷ ⵜⴷⵍⵙⴰⵏⵉⵏ ⴳ ⵓⵙⵙⴰⵏ ⴰⴷ ⵏⵏⴰ ⵔⴰⴷ ⵉⵔⴰⵔ ⵓⴷⴷⵓⵔ ⵉ ⵜⴰⴷⴷⴰⴳⵜ ⵏ ⵍⵍⵓⵣ ⵎⴰⵙ ⵜⴳⴰ ⵢⴰⵜ ⵜⴰⴷⴷⴰⴳⵜ ⵏⵏⴰ ⵙ ⴷ ⵉⵇⵇⴰⵏ ⴰⴷ ⵙⵜⵜ ⵏⴼⵔⴳ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵔ ⵜⴰⴽⴽⴰ ⵢⴰⵜ ⵜⵢⴰⴼⵓⵜ ⵉⵍⴰⵏ ⴰⵜⵉⴳ ⵉⴷⵓⵙⵏ ⴳ ⵜⵙⴳⴰ ⵜⴰⵏⵉⵍⴰⵏⵜ ⴷ ⵜⵎⴰⴹⵍⴰⵏⵜ.

ⵔⴰⴷ ⴳⵉⵙ ⵜⵜⵓⵙⴽⴰⵔⵏ ⴰⵡⴷ ⵉⴼⵙⴰⵔⵏ ⵏⵏⴰ ⵉⵣⵍⵉⵏ ⵙ ⵜⵎⵢⴰⵡⴰⵙⵉⵏ ⵏⵏⴰ ⵉⵙⴽⴰⵔⵏ ⴰⴼⴰⵔⵙ ⵏ ⵉⵙⵓⴼⴰⵔ ⴷ ⵜⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵍⵍⵓⵣ ⴷ ⵉⴼⴰⵔⵙⵏ ⵏⵏⴰ ⴷ ⴰⴽⴽⵯ ⴳⵉⵙ ⵉⵜⵜⴼⴼⴰⵖⵏ , ⵔⴰⴷ ⵜⵜⴰⵡⵙⴽⴰⵔⵏⵜ ⴰⵡⴷ ⵜⵉⵙⴰⵡⵓⵔⵉⵏ ⵜⵉⵎⴰⵙⵙⴰⵏⵉⵏ ⴷ ⵜⵉⵏ ⵓⵙⵎⵓⵙⵙⵓ ⵉ ⵜⴰⵣⵣⴰⵏⵉⵏ ⵏ ⵜⵏⵉⵍⴰ ⵏ ⵉⵖⵔⵎ ⴰⴼⴰⴷ ⴰⴷ ⴰⵡⵉⵏ ⴰⵡⴷ ⵏⵜⵜⵏⵉ ⵢⴰⵜ ⵜⵢⴰⴼⵓⵜ ⵉⵣⴷⵉⵏ ⴷ ⵓⵙⵎⵓⵙⵙⵓ ⴷ ⵓⵙⵙⵍⵎⴷ ⵏⵏⴰ ⵔⴰⴷ ⵜⵏ ⵢⴰⵡⵙ ⴰⴼⴰⴷ ⴰⴷ ⵙⵙⵉⴷⵔⵏ ⵙⴱⵓⵖⵍⵓⵏ ⵜⵉⵣⵎⵎⴰⵔ ⵏⵏⵙⵏ ⴳ ⵉⵎⴰⵍ.

ⵏⵏⴰⵏ ⵉⵎⵙⵜⴳⴳⴰⵔⵏ ⴷ ⵉⵎⴻⵎⴰⵙⴰⵢⵏ ⵏⵏⴰ ⵉⴱⵉⴷⴷⵏ ⴼ ⵓⵏⵎⵓⴳⴳⴰⵔ ⴰⴷ ⵎⴰⵙ ⵔⴰⴷ ⵏⵏ ⴳⵉⵏ ⵜⵓⴳⴳⴰⵙ ⵏⵏⵙⵏ ⴰⴼⴰⴷ ⴰⴷ ⵜⴰⴼ ⵜⵙⵙⵓⵜⵍⵜ ⴰⴷ ⵙⵏⴰⵜ ⵍⵍⵉ ⵉⵣⵔⵉⵏ, ⵙ ⵓⵙⵔⴰⴳ ⵍⵍⵉⵖ ⵙⴽⵔⵏ ⵜⵓⴳⵜⵜ ⵏ ⵜⵎⵢⴰⵇⵇⴰⵏⵉⵏ ⴷ ⵜⵣⴷⴰⵢⵉⵏ ⴷ ⵜⵙⵏⵓⵔⴰⵢⵉⵏ ⴷ ⵜⵎⵀⵍⵉⵡⵉⵏ ⵏ ⵜⵙⴳⴰ ⵏ ⵜⵔⵓ ⴷⴰⵏⵜ, ⵎⴰ ⴰⵏⵏ ⴰⵔⴰⴷ ⵉⴼⴽ ⵢⴰⵏ ⵡⴰⴷⴷⵓⵔ ⴰⵎⵇⵕⴰⵏ ⵉ ⵜⵙⵙⵓⵜⵍⵜ ⴰⴷ ⵜⵉⵙⵙ ⴽⵕⴰⴹⵜ.